之前盛傳嘅海陸空搞笑片段前晚終極曝光，片長大概5分鐘，集荷李活電影《醉爆伴郎團》（TheHangover）同倫敦奧運007片之大成，製作極之認真，估計成本都要30萬。

男主角由啟剛擔綱，啟山、啟人都粉墨登場，而霍家嘅豪華私人飛機同御用「0LYMP1C」白色Benz都好搶鏡。但，說好的海呢？

1晶剛大婚前夕，同班兄弟姊妹團開婚前派對，啟剛豪邁狂飲，杯杯清。

2兄弟團全醉倒酒店房，啤酒罐、空酒瓶、雜物一地。

3醉到甩轆的啟山收到姊妹來電，拿拿臨起身召集兄弟團，但新郎哥唔知去邊。

4兄弟走遍酒店每個角落，終於喺廚房搵到啟剛，佢手上仲拎住罐啤酒。

5原來晶晶一早喺私人停機坪等候。

6啟剛同兄弟團現身，啟剛即時耍冧。

7兄弟團在機上繼續開P隊香檳，啟剛叫極冇人理，只有晶晶幫佢整理衣裝。

8飛機抵港，兩人趕忙下機。

9晶剛坐上霍家御用「0LYMP1C」白色Benz，準時趕抵會展。