羅力威與陳蕾（豹哥）今晚到九龍灣演出直播音樂會，並宣傳新歌《星光》，直播期間他們經常忍不住爆笑，連累豹哥多次甩嘴。受訪時羅力威辯稱：「呢個錯，某程度上係屬於啱架。其實同佢做嘢幾開心，你知啦，要搵個人肯笑你講嘅嘢好難架嘛。」豹哥坦言每次見到羅力威都忍不住笑：「因為佢好少讚我，但係見到大家嗰陣，佢就會好讚我。」記者笑問是否因為羅力威太虛偽？她說：「佢得體。」

羅力威坦言：「其實我講嘢，係賤嘅，不過我嗰種賤唔係傷害人，而係想氹人開心。」問他對太太雨僑是否同樣口賤？羅力威直言：「佢都受我唔少，佢都有話我唔好講嗰啲嘢，唔好講太多，怕講得多衰嘢會成真。」

直播期間，他透露有意出碟，但受訪表示順其自然，因為自己只識做好音樂：「講真，冇乜計劃，因為呢啲唔到我哋控制又唔識。一路走來，以前我會想討好歌迷，但討好唔到；想討好記者但討好唔到，而家我唔再討好任何人，淨係努力做好自己嘢。」

-----------------------------
7月4日起 《蘋果動新聞》只限升級壹會員閱覽
繼續撐蘋果！