現年38歲嘅韓國男星李東健，去年公開與劇集《月桂樹西裝店的紳士們》36歲拍檔趙胤熙嘅戀情，兩人更奉子成婚，同年9月舉行非公開婚禮後，12月就宣佈囡囡ROA平安出世，變成幸福一家三口。

今日，網上有ROA周歲宴嘅相流出，只見李東健一家三口都穿上韓服出鏡，對住鏡頭笑得相當開心，另一張相就見李東健抱住愛女，似乎進行抓周儀式(喺BB面前擺放唔同物品，意味BB拎到咩物品會朝該方面發展)，場面溫馨。相片流出後引起網民熱議，不過趙胤熙就喺Instagram留言表示：「喺未經同意下，身為父母，唔希望ROA嘅樣貌就咁被公開，所以在此留言希望大家克制，唔好再流出更多ROA嘅相。假如大家已經將相上載到互聯網，請刪除相關貼文。」

精選韓流，喺晒《娛果》
http://fb.com/appledailyent