政府申辦亞運的過程中，不少左派人士猛烈攻擊反對申亞的泛民立法會議員，更有人不滿政府的申亞策略，包括將一些原本已計劃興建體育場館的開支，也計算入申亞成本，為反對申亞陣營提供政治子彈，甚至有左派人士認為有公務員從中作梗，不想申亞成功。
有支持申亞的左派人士認為，以往政府處理申辦大型活動的撥款申請，深明公眾及議員最關心開支成本，所以一定用盡方法壓低開支，盡量減少反對聲音，「以往政府好叻將其他非直接開支，由其他部門頂咗佢，唔會話寫埋喺份申請撥款文件入面」。

為泛民提供政治子彈

以今日立法會民政事務委員會討論的文件為例，政府將東南九龍等八項大型體育場館建築開支計入申亞開支，左派人士大感不滿，「呢啲工程一早預咗起，根本毋須寫埋喺撥款文件入面，甚至分開另一份撥款文件再申請，家咁做即係為泛民提供政治子彈，等佢哋大條道理反對」。
此外，更有左派人士懷疑，有公務員不想成功申亞，所以搞「小動作」從中作梗，「冇理由發展局咁都睇唔到，唔一早提醒民政事務局」。
不過，有政府中人認為左派人士的指摘毫無根據，因為爭取市民支持申亞其中一個理據，就是借此發展香港體育事業，「我哋將大型體育場館建築開支寫埋入文件，就係向市民顯示政府嘅決心，唔寫反而顯示政府冇誠意申辦。」
本報記者