「呢筆錢真係嚟得及時,救我一命,早幾日我又唔舒服入咗醫院,𠵱家身體都好弱,好想食中藥調理身體,剛剛煩緊冇錢嘅時候,就收到呢筆捐款,我好意外又好感激。」氣若游絲的陳女士,連聲感激說。
曾先後兩次中風
五十二歲的陳女士,九九年發現患上心臟病,接受過「通波仔」手術,加上其夫年前病逝的打擊,這幾年她先後兩次腦中風,自此健康每下愈況,被迫辭去售貨員工作,現靠綜援金生活。
「我成日覺得頭暈、頭痛,醫生話係中風後遺症,冇辦法,佢叫我盡量放鬆心情,不過,生活壓力咁大,我邊做得到吖!」她歎道。
由於陳女士對多種西藥有過敏反應,在公立醫院醫生的同意下,她同時以中醫藥調理身體,雖然治療效果良好,但因中醫藥開支並不在社會福利署資助範圍之內,陳女士為籌藥費致債台高築,憂心忡忡。
蘋果日報慈善基金較早前曾撥款二千元,助陳女士紓緩經濟困境,近日另將讀者捐款合共六千三百四十元,轉交她簽收。
服中藥調理身體
「老實講,平日我都係病得好辛苦至去睇中醫,不過,睇完醫生就要問人借錢開飯;𠵱家多咗呢筆錢,手頭鬆動啲,我打算食多幾劑中藥、煲多啲湯水飲,希望身體會好番啲。」陳女士說。
捐款編號︰C1619
暖流熱線
電話:29908688
傳真:23702192
電郵:[email protected]
網址: http://www.charity.atnext.com