陸詩韻今日到新城受訪，分享早前網店獲獎的喜悅：「我自己都好意外，開咗公司4年，今年已獲告知有三個獎，對我哋嚟講絕對係強心針。」她指現時零售業市道差，但仍會繼續努力。

陸詩韻計劃於年半內開設實體店：「其實之前冇諗過要開舖，因為擔心有間舖就要捱貴租，不過而家都有計劃喺九龍同香港區各開一間，可以分散啲貨源，但都唔急嘅。」

問她忙於打理生意，時間上會否分配不到？陸詩韻表示雖然生意會親力親為，但仍可以安排時間拍劇和出席活動。記者笑問有冇時間拍拖？她說：「我反而唔關心，唔係唔想談情說愛，不過我今年都38歲，想為屋企同自己搵多啲保障。」提到了解中的緋聞男友魔術師高正安，她用「其中一個好朋友」形容對方，至於何時才可確認男朋友身份？陸詩韻笑說：「等我事業有成先。」

至於今日到新城宣傳新歌《忽然又想起你》的林穎彤（Bella），她透露稍後將首次為大型演出獻唱：「之前都試過喺商場唱live，做咗歌手感覺冇好大分別，但係自己會準備好啲歌，唔想出醜。」

問到有否向好友狄以達請教，Bella笑指對方終於幫到手：「佢有同我分享啲經驗，自己嚟緊都會錄新歌，係比較輕快嘅類型，所以都會問佢意見。」問她會否邀請對方幫忙排舞？Bella表示要趁機好好利用對方，更透露兒時曾學跳拉丁舞，所以對跳舞有信心。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX