立法會發出黃色警示後，一連三日未有召開大會，至今日內會及財會接連召開會議。財委會今日緊接內會舉行，民主派議員強調，現時香港只有一個議題，就是撤回《逃犯條例》修訂，根本不能再討論政府的撥款項目、「給政府子彈」。本來堅持開會的財委會主席陳健波趁機大發「撐警」謬論，豈料反激起議員不滿，最終陳決定結束會議，會上未能通過任何撥款。

陳健波首先批評民主派在財委會阻撓會議進行，令民生議案及數百億撥款無了期等候，為何要用政治凌駕民生，令工人無飯開，但之後狂呻：「我覺得我冇所謂。我生活係冇問題，因為我前半生幾十年好努力，由一個最窮住公屋嘅人，去到呢個位置⋯」話鋒一轉狠批反修例遊行連累他成受害者，「坦白講香港動亂你哋仲可以咁好生活咩？最唔忿氣係我吖嘛！因為咁辛苦儲咗咁多年錢，我好努力先有今時今日比較安穩嘅生活。我蒲⋯我嫖賭飲蕩吹都唔啱嘅，點解你哋要破壞我嘅生活呢？依家我收成期吖嘛！我同你講呀，好多香港人好似我咁㗎，我就係代表緊大部份中產嘅心聲。」

他之後繼續怒氣沖沖批評示威者衝擊警方，「你有咩咪示威囉！衝咩擊啫！」又稱好多人表面兇狠，其實為一己之利，不小心將中美貿易戰博奕 錯說成中英博奕，「我食咗咁多年飯，見盡世間險惡呀大佬！」陳健波稱如果將來人家制裁香港，「我哋全部冇運行，大家就知道痛苦嘞！我哋細個窮過就知痛苦⋯⋯用啲創意去做生意，唔係網上搞啲咩咩咩，咩咩咩豬肉佬故事⋯」他亦批評政府宣傳逃犯條例手法小學雞，沒有好好使用公關技巧「畀我係政府每一條（反對意見）去駁！」

財委會甫一開始民主派即指出，目前香港社會只有一個議題，就是要求撤回修訂《逃犯條例》草案，他們不能再當無事發生，如常審議政府撥款。陳健波一度推說，修例一事是政治事件，民生問題更加緊要，故此要求會議如常進行，審議撥款。

不過，多位民主派接力發言，反對繼續審議撥款，同時批評警方向手無寸鐵的學生開槍、發放逾百枚催淚彈。陳健波聞言後更為警察護航，強指警方之所以要發放催淚彈是因為受到攻擊，指責民主議員美化示威者，他說「唔好隨便話警察向學生開槍，嗰啲喺我哋心目中嘅槍咩？」，他續稱，警方今次是要平亂，但被說成「(警察)無端端衝出去打人，呢個唔係事實，點解可以埋沒良心咁講呢？」，同時，陳又批評有議員煽動學生搞亂香港，反問他們良心何在，聲言有議員不斷人身攻擊他，自己不能沉默。

陳的言論激起多位議員反擊，直斥陳健波冷血。民主黨胡志偉怒斥陳根本不是人，陳就表示會議無法正常處理到撥款，「大家只會講啲好情緒化、不是事實嘅嘢，好多年輕人都唔知逃犯條例係乜嘢 ，逃犯條例係99.9%嘅人係不受影響。」

民主黨林卓廷再表明，今日要審議撥款的涉及回收垃圾，所以要向政府提問「林鄭月娥呢啲垃圾，你哋會唔會回收？林鄭、李家超、鄭若驊、湯家驊、盧偉聰呢啲垃圾，你哋會唔會回收？呢啲阻住香港嘅垃圾係咪要盡快清除？」陳健波不准林卓廷向政府提出這些問題，而政府官員最終亦沒有回應。

由於今日立法會內會遭腰斬，財委會今日原定審議橫洲工程撥款皆被取消，十多名橫洲村民和土地正義聯盟成員雖然上周已預約旁聽，卻在中信天橋不獲警方放行。

土地正義聯盟成員區國權表示，上周已經登記旁聽，亦已獲立法會秘書處確認，惟下午4時到達立法會外中信天橋位置不獲警方放行，他們致電立法會秘書處後有職員前來處理，擾攘逾半小時後始獲放行，但越過警方封鎖線後不久，秘書處職員便稱會議已取消，要他們返回封鎖線後。

橫洲村民歐陽先生表示，其家園快要被拆，質疑為何立法會大會需要停，財委會卻「偷偷地開會」。他說平日到立法會旁聽可即場登記，今天卻遭到阻撓，「我哋只係12個人，搞得咩事出嚟呢？」歐陽太控訴當局「夾硬搶我屋企嚟起屋」，令她連家園亦要被剝奪，直言「擺明益地產商」。

昔日新聞：
電視辯論互叫熄咪 曾：你係撕裂2.0 林鄭：會順應民意辭職

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.16反惡法遊行

日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會

民陣6.17三罷集會

日期：6月17日（星期一）
集會地點：立法會外集會
（資料來源：民陣）

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多