6吋發聲超人高斯活動Figure
超人高斯最新終極形態登場,身為唯一玩具生產商BANDAI自然會不停推出新玩具。3款6吋高超人活動公仔,包括超人高斯太陽、月亮及終極形態,全身以硬膠製造,手腳都有關節,擺甫士極易但造型好騎呢!3款超人高斯最出位之處,就係每款會發出唔同嘅叫聲,十分趣致,小朋友一定喜歡。另外喺日本超人高斯第31集中出現嘅新食車獸,BANDAI亦生產一款6吋高膠公仔,外形一樣與片中好相似。
Momo初遇Brockmann膠公仔
SONY旗下推出過唔少潮流人物產品,大受港、日潮流界追捧,尤其「Postpet」Momo及人形Brockmann就個別有fans。最近日本一間「ProjectBreederCube」公司,推出一套兩款硬膠公仔,主角就係Momo及Brockman,兩款約有5吋半高。兩個公仔全無活動關節,只可作擺設,但由於係第一次一齊生產,加上又係潮流玩物,所以貴一貴亦不愁冇fans。
幪面超人「龍騎」膠公仔登場
最新登場嘅《幪面超人龍騎》剛啱喺日本上映,雖然造型係史上最醜又最騎呢嘅Rider,又玩晒戰隊Feel可插卡召喚機械獸幫手,令到fans媽聲四起;不過據知仍有一批死硬派幪面超人迷仍然接受,繼續捧場買新玩具。BANDAI推出兩款片中嘅主角膠公仔,龍騎及Kright兩款均有6吋高,PVC膠料製造,造型不俗,但又唔知香港仍有幾多fans繼續支持購買呢?