【31歲演17】講嘢低能扮單純 [email protected] AllStar:擔憂女仔有冇收到我封情信
King吳崇銘CAllStarKyle廢青李任燊那一年我17
由C AllStar嘅吳崇銘(King)同李任燊(Kyle)主演嘅青春片《那一年,我17》,講述一班年輕學生,在如何擺脫大人嘅框架下,追尋自己夢想,完成夾band嘅心願。《那》片以澳門為背景,King指平時少機會接觸澳門電影,今次導演搵咗佢哋演出,再俾機會佢哋讀多次書。
King指其角色怕事,經常被人恰,喺學校成績差,但係亦有自己嘅理想,就係夾band唱歌俾人聽。已經31歲嘅King話:「故事發喺17歲,其實o依家扮唔番,大家都盡扮,把聲唔似17歲,盡量扮單純,講嘢低能少少,外型上薯啲都幫到。細個有夢想,大個去做,見我哋戲入面畢業出嚟做嘢,大家撞番回憶番17歲嘅時侯。自己真係17歲時,真係唔知自己做乜,冇咁大理想,每日擔憂遊戲角色升level去到邊,隔籬班嘅女仔有冇收到我封情信,打波時個姿勢型唔型。」
至於Kyle喺戲中飾演被喻為廢青嘅有錢學生,佢話:「講我哋參加歌唱比賽,學校覺得我哋係廢青,我哋去追求理想。我喺戲中要彈低音結他,但我未接觸過樂器,要花好多功夫,King喺拍攝時指點我好多。」由於要飾演17歲學生,現年26歲嘅Kyle話:「17歲嘅小朋友,講說話好誇張,所以自己會刻意啲。自己17歲時,諗嘢好簡單,鍾意個女仔就想追到,我鍾意打籃球,班際比賽攞到獎就OK。」
髮型:Zanki of iHair(King)
服裝:Chocolate(李任燊)
場地:Centre de Vin
King(左)同Kyle喺新片中要扮做17歲學生,King坦言只係盡扮。
King話17歲嘅時候,最擔心打波時個姿勢型唔型,同隔籬班嘅女仔有冇收到自己封情信。