唔少網民都思疑整爛墓碑嘅人唔係普通人,甚至都係鄉事中人所為。噚日都有記者問起劉業強,其實鄉議局有冇了解過成件事嘅來龍去脈呀?同埋成單嘢會唔會關鄉事派嘅事㗎?劉業強繼續冇展露笑容,相當之認真咁話,其實日前佢回應嗰陣係「唔信有咁嘅事發生」、「當時我以為講笑」、「以為係惡作劇」,仲話𠵱家網上咁多改圖,都唔知啲圖真定假嘅,解釋之餘,劉業強仲順便譴責埋何君堯嘅議員辦事處遭到破壞,真係相當真誠。
另一邊廂,噚日有份同劉業強一齊開記招嘅上水鄉事委員會主席侯志強,就被問到今個周六遊行嗰陣會唔會又派水時就話稱,「上次派晒啦!(會唔會參與遊行?)我睇得唔得閒,得閒咪行吓咯」。
李八方