【抄考定參考？】 催淚人氣新片《那五年》 求婚情節99.9%涉抄襲
蘋果日報 2013/09/21 06:00
上面兩圖係去年YouTube瘋傳嘅人氣求婚片，下面兩圖係黃真真新片《被偷走的那五年》。- 原片。呢個係準新郎哥哥。
- 《那五年》，佢係準新郎好友。
- 原片。玩鼓仔。
- 《那五年》，玩心心。
- 原片。親友跳舞俾佢睇。
- 《那五年》。親友跳舞俾佢睇。
- 原片。「隊」埋部notebook佢睇。
- 《那五年》。「隊」埋部notebook佢睇。
- 原片。摩西出紅海。
- 《那五年》。摩西出紅海。
- 原片。準新娘自己除headphone。
- 《那五年》。張孝全為佢除。
- 原片。跪下求婚。
- 《那五年》。跪下求婚。
- 原片。求婚成功，抱抱，眾人祝福。
- 《那五年》。求婚成功，抱抱，眾人祝福。
黃真真執導作品、張孝全、白百何主演電影《被偷走的那五年》，用台灣術語，深情純愛，深深觸動不少觀眾，個個都睇到喊濕幾包紙巾，更大讚是近年難得一見之作，亦有人稱讚黃真真功力更新一層樓。
不過，今日有台灣傳媒報道卻指，《那五年》其中一場求婚片段，竟然同去年YouTube瘋傳嘅老外求婚片段一模一樣。一睇之下，係99.9一樣。
《那五年》係講女主角白百何因為一場車禍，醒來之後，失去咗5年嘅記憶，仲發現自己同老公張孝全竟已離婚。於是白百何開始抽絲剝繭調查自己遺忘了的這五年裡，發生過乜嘢事。而張孝全精心策劃嘅「第二次求婚」，更是動人。片中，張孝全先安排白百何坐喺車廂後座，戴上耳機，一邊放音樂，然後一眾親友們開始輪流喺佢面前跳舞，然後，幾名親友捧住部notebook俾白百何睇，緊接彈開，眾人分成兩排列陣，呢個時候，戲肉到喇，張孝全由兩排人陣中緩緩步出，跪下，向白百何求婚。求婚成功，兩人擁作一團，sweetsweet大團圓。上述講嘅情節、分鏡，完完全全，同去年老外求婚嗰條YouTube片一樣。
咁兩片都有少少唔同嘅，如原片係老外搵哥哥安頓好女方，而《那五年》就係請好友；除headphone嗰度，原片係女方自己除，電影就係張孝全幫佢除。而且，兩位男主角出場時，張孝全有跳舞，原片冇，只係好型仔咁行出嚟。
台灣傳媒問咗導演黃真真，點解情節分鏡細節位咁驚人地「相似」，黃真真話，佢有個朋友，18歲就結婚，之後離婚；但兜咗個圈又還是覺得你最好，於是召集一班好友幫佢再次求婚。當時搵咗好多video「參考」，包括呢條老外求婚片，亦唔止呢條片。哦。信不信由你。但有觀眾就謂:「我剛好也有看過網友的求婚影片，因為很有趣，我當時還有轉貼分享，印象很深；所以看到電影中的求婚橋段時，我都儍眼了，這樣騙錢的連分鏡都一樣....」亦有台灣影評毫不留情:「故事講明是西片《愛重來》(港譯《再說一次我願意》)加日片《腦海中的橡皮擦》(港譯《抱擁這分鐘》、韓國電影)的翻版，若沒有買版權，也未免抄太大，連求婚片段都是抄網路熱門影片！女主角行為太不討喜，很難讓人對她產生同情，進而被觸動。」
唔止咁，仲有人話，電影題材同日劇《再一次對你妳求婚》相似，就連去年林心如一部電視電影《遺忘》故事大綱都話同《那五年》好似。咁失憶題材，大橋來來去去都係咁0架啦。講到似，都係求婚呢「參考」得最足，直頭百分之一百「致敬」!
但亦有人撐黃真真，有網民話: 「很多人都說這是抄襲!!但我想說騎馬舞大家都在翻拍，為甚麼沒人說？好聽的歌，加上MV，又是官方為了大家所拍的，請問大家，然而就不能為這部片的這小部分喝采一下嗎？可以就好好的品味一下這部電影嗎?!」
不過，今日有台灣傳媒報道卻指，《那五年》其中一場求婚片段，竟然同去年YouTube瘋傳嘅老外求婚片段一模一樣。一睇之下，係99.9一樣。
《那五年》係講女主角白百何因為一場車禍，醒來之後，失去咗5年嘅記憶，仲發現自己同老公張孝全竟已離婚。於是白百何開始抽絲剝繭調查自己遺忘了的這五年裡，發生過乜嘢事。而張孝全精心策劃嘅「第二次求婚」，更是動人。片中，張孝全先安排白百何坐喺車廂後座，戴上耳機，一邊放音樂，然後一眾親友們開始輪流喺佢面前跳舞，然後，幾名親友捧住部notebook俾白百何睇，緊接彈開，眾人分成兩排列陣，呢個時候，戲肉到喇，張孝全由兩排人陣中緩緩步出，跪下，向白百何求婚。求婚成功，兩人擁作一團，sweetsweet大團圓。上述講嘅情節、分鏡，完完全全，同去年老外求婚嗰條YouTube片一樣。
咁兩片都有少少唔同嘅，如原片係老外搵哥哥安頓好女方，而《那五年》就係請好友；除headphone嗰度，原片係女方自己除，電影就係張孝全幫佢除。而且，兩位男主角出場時，張孝全有跳舞，原片冇，只係好型仔咁行出嚟。
台灣傳媒問咗導演黃真真，點解情節分鏡細節位咁驚人地「相似」，黃真真話，佢有個朋友，18歲就結婚，之後離婚；但兜咗個圈又還是覺得你最好，於是召集一班好友幫佢再次求婚。當時搵咗好多video「參考」，包括呢條老外求婚片，亦唔止呢條片。哦。信不信由你。但有觀眾就謂:「我剛好也有看過網友的求婚影片，因為很有趣，我當時還有轉貼分享，印象很深；所以看到電影中的求婚橋段時，我都儍眼了，這樣騙錢的連分鏡都一樣....」亦有台灣影評毫不留情:「故事講明是西片《愛重來》(港譯《再說一次我願意》)加日片《腦海中的橡皮擦》(港譯《抱擁這分鐘》、韓國電影)的翻版，若沒有買版權，也未免抄太大，連求婚片段都是抄網路熱門影片！女主角行為太不討喜，很難讓人對她產生同情，進而被觸動。」
唔止咁，仲有人話，電影題材同日劇《再一次對你妳求婚》相似，就連去年林心如一部電視電影《遺忘》故事大綱都話同《那五年》好似。咁失憶題材，大橋來來去去都係咁0架啦。講到似，都係求婚呢「參考」得最足，直頭百分之一百「致敬」!
但亦有人撐黃真真，有網民話: 「很多人都說這是抄襲!!但我想說騎馬舞大家都在翻拍，為甚麼沒人說？好聽的歌，加上MV，又是官方為了大家所拍的，請問大家，然而就不能為這部片的這小部分喝采一下嗎？可以就好好的品味一下這部電影嗎?!」