【已分居】「綠帽俠」謝東閔劃清界線 寧約朋友唔見朱智賢
蘋果日報 2020/07/09 19:30
謝東閔朱智賢黎振燁
謝東閔今日在商台接受訪問時，直認已跟女友朱智賢分居。
大台姣精朱智賢今年4月被《蘋果》踢爆搭上人夫黎振燁，男友謝東閔在記者會上力撐女友朱智賢，指自己太忙忽略女友，令對方一時迷失而做第三者，更公開承諾會陪對方共渡難關，因而被封「綠帽俠」。不過事隔兩個多月，「綠帽俠」謝東閔今日接受訪問時，就直認同朱智賢已分居，言談間似乎有除帽的打算。
謝東閔今日到商台為新劇宣傳接受訪問時，謝東閔被問到有沒有跟女友朱智賢一齊睇？他表示不知對方是否有睇，更直認已跟女友分居：「我已經搬返屯門同屋企人住，冇同佢一齊住。佢嘅事留返佢自己交代，唔會代答。」而謝東閔又指現時兩人各有各忙，只是「間唔中」會見面，不過謝東閔口中的「忙」，除了是要拍新劇外，亦要煲劇、約朋友行山及做運動等，明晒！