香港駕駛學院除沿用多年的電腦模擬駕駛系統，近年亦引入另一套與實際駕駛情況更相近的獨立訓練系統。為何要獨立訓練？因為學神太倚賴師傅指示，把師傅雙眼當作自己雙眼，要師傅幫忙睇位，一旦師傅不在旁，腦海即時一片空白。
這一堂，Jumbo參加了獨立訓練課，導師羅Sir處身訓練場地旁邊的控制室，控制室可以同時監察三個訓練場的情況，透過對講機向個別學員作出指示，假如學神危險駕駛，師傅更可安坐控制室遙控，令車輛死火。Jumbo心情緊張，緊張到連煞車腳掣都忘了在哪，向後泊位又竟然入前波，入後波泊位時車速又過快，蝦碌一大籮。她的表現，就好像第一堂第一次接觸駕駛席一樣，坐在旁邊的攝影師不知幾驚！幸好她執生能力不俗，倒車時即使錯過最佳回軚時間，在慢慢修正及羅Sir提點下，泊位總算合格，Jumbo笑笑口：「雖然師傅唔喺旁邊，但我會透過對講機不斷問問題。」羅Sir的評價是──Jumbo對於駕駛步驟欠缺純熟，猶幸操作技巧可彌補不足，只要加強訓練自然工多藝熟，一Take合格近在咫尺。

【7.1上街】毋懼打壓打機消氣
近年警方經常粗暴對待示威者，輕則熊抱兼抬人，重則出動胡椒噴霧「喪噴」示威者。但港人追求民主無畏無懼，點會輕易屈服？即玩《七一的進擊》和《Don’tBIGMe》兩個小遊戲，大家一齊消消氣。

網頁遊戲：七一的進擊
http://bit.ly/71defend
手機遊戲：Don’tBIGMe
http://bit.ly/Dontbigme