由朴寶英、朴炯植及金志洙主演嘅人氣韓劇《大力女子都奉順》(都奉順)，收視同口碑都好好，雖然播到第10集，兩位主角朴寶英同朴炯植都未咀嘴，但依然被劇迷追捧，成為近期嘅話題韓劇。

至於劇中飾演擁有神力嘅朴寶英，佢喺劇中飾演鄰家女孩嘅角色，平時韓劇都獲唔少贊助，特別人氣韓劇更加會吸引到勁多贊助商贊助，不過今次身為女主角嘅朴寶英為配合角色，佢就寧願着二手衫都唔着名牌。

根據日前韓國傳媒報道，朴寶英為了配合角色，特別塑造可愛形象，而名牌服飾未必能營造到呢種可愛鄰家嘅感覺，所以朴寶英方面都好堅持到釜山國際市場購買二手服飾，造型師更會根據朴寶英嘅身型修改服裝，再配上其他襯品，成功為朴寶英打造「都奉順」呢個造型。

《蘋果》第十二屆金話梅電影選舉（Golden Plum）又嚟喇!由今日起，請在以下網址
（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。