當年今日

寶珠姐等飲大姨媽茶

蘋果日報 2018/05/25 00:00


陳寶珠和梅雪詩(阿嗲)昨日到觀塘,為8月20日於香港大會堂舉行、任白慈善基金景林安老院籌款的《同心護老任白緣》出席記者會,活動上眾小演員粉墨登場,於兩人面前演出任白折子戲,阿嗲大讚:「佢哋好好,唔怯場,好羨慕佢哋,令我諗番起以前小朋友學戲時無憂無慮嘅生活。」寶珠姐就稱:「睇住佢哋演出,就好似我哋細個時,喺一班師傅面前學做戲咁,當時任姐仙姐坐咗喺度,我哋都係唔識驚,話做就做。」
提到下月好姊妹薛家燕娶新抱,寶珠姐話到時七公主各位姊妹都會識做,定必盛裝出席,她說:「唔知要唔要上台等斟茶,話晒做大姨媽,如果要又要準備定利是。」
採訪:曹家誠
攝影:陳慧安
empty
現場眾小演員演出任白折子戲,(左起)寶珠姐和梅雪詩看得入神。