台灣前美少女組合4 in Love當年憑《一千零一個願望》紅極一時，成為80、90後回憶，四人2000年組團，可惜2002年便解散，4 in Love戰友黃小柔、張棋惠及冷嘉琳淡出娛圈，只有楊丞琳一個仍然奮鬥，多年嚟即使解散，但姊妹情不散，之前楊丞琳不時喺網上貼出合照，直至上個月喺楊丞琳「青春住了誰」嘅紅館騷中，四女隔16年首度公開合體。

由於之前要準備演唱會亮相，冷嘉琳、張棋惠同黃小柔都減肥，楊丞琳當然會好好答謝呢三位小姊妹。

楊丞琳剛才喺微博貼出幾張鬼馬合照，留言：「實現演唱會後要不斷請她們吃飯的承諾，雖然這份恩情是吃飯也還不完的。」相中見佢哋chok出唔同表情，有人張相見楊丞琳用手機app整到啲頭髮衝起晒，似足動畫《龍珠》孫悟空。唔少fans見佢哋姐妹情要好，都為佢哋而感動，「畢竟這個合體感動到騙了很多人的淚水」、「永遠的4 in Love演唱會上帶來的感動好像還歷歷在目」。