今日係平安夜，一班ViuTV嘅藝人包括：黃心美、駱振偉(Thor)、黃劍文、虞逸峯(Dennis)、陳俞希(Hailey)、趙詠瑶(Kimi)、陳炳銓、朱栢康、英健朗(小占)、李建邦(Suzuki)、譚凱倫(Helen)、詹朗林(Jacky)同埋劉泉(魔童)，一行13人，去咗觀塘一間Party Room提早慶祝聖誕！

雖然佢哋個個都係喺唔同時間加入ViuTV，不過話晒大家都係年青人，話咁快就已經打成一片，嗰日佢哋有啲人準備嘢食，有啲人負責煮，又有啲人負責玩喺遊戲機，黃劍文梗係表演佢嘅拿手好戲，自彈自唱聖誕歌，現場除咗有陣陣煮嘢食嘅味道之外，仲有好強烈嘅聖誕氣氛！

喺呢班藝人裡面，講到最識得煮嘢食嘅人，真係唔可以唔介紹魔童，咪睇佢外表好似好cool，點知原來佢係煮嘢食高手，話咁快就整咗個芝士焗肉醬意粉，之後Kimi同Helen負責包金菇牛肉卷，究竟黃心美做啲乜嘢呢？佢咪負責幫手煎金菇牛肉卷，但係似乎佢啲廚藝似乎係麻麻地！

Hailey、Helen同埋Jacky三個人一齊整沙律，Helen就邊切蘋果邊偷食，Hailey啲刀功都有板有眼喎，用蘋果砌咗個心型出嚟，其他嗰啲人好似Thor、陳炳銓同朱栢康，就好專心走打機！

心美話今年喺ViuTV多咗三個新寵，分別黃劍文、小占同埋Suzuki，不過點都唔及宣佈有拖拍，娘娘正式被私有化，佢話今年希望可以同男友靜靜地過聖誕：「我反而聖誕唔多主持工作，到明年1月先開工！」講到難忘聖誕，心美就話：「我試過喺聖誕前同男朋友分手，搞到我嗰年聖誕流嘅眼淚，仲大粒個鏈咀。」

Thor就話今年會返丹麥同女友一齊過聖誕，至於陳炳銓預備點同女友李佳芯一齊過聖誕呢？佢尷尷尬尬咁話：「好特別嘅，約埋啲朋友一齊過，仲準備啲特別嘅禮物送俾所有朋友！」

場地提供：UC Party Room

更多娛聞，喺晒《娛果》
http://fb.com/appledailyent

【聖誕搞邊科(5)】伸手入聖誕老人下體 聶安達：費事破壞氣氛嗌非禮
http://bit.ly/2zgSyGx

【聖誕搞邊科(4)】毛冷雪人裝飾聖誕樹 周汶錡母子溫馨Kiss
http://bit.ly/2CWqF8P

【聖誕搞邊科(3)】短髮性感過長髮 心悠BB聖誕節冇人約？
http://bit.ly/2kVtfEJ

【聖誕搞邊科(2)】「釣金龜」要乎合三個條件？何傲兒嬲豬﹕我真係唔係睇錢
http://bit.ly/2kUkB9i

【聖誕搞邊科】天佑搵Miss Hunny學玩「波波」 又南首次施法即搞掂
http://bit.ly/2DmZV2a