爆棚哥系呢期隻隻生猛,要搞,搞最落後嘅德祥企業(372)。爆棚哥系以錦興(275)最搶,1年升幅32%,保華(498)亦升26%,阿媽德祥,1年嚟反而累跌16%,當原地踏步,重返1年前價位0.95元,現價要升兩成。
德祥經呢期配售2.14億股,最新NAV攤薄到1.38元,現價(0.79元)仍然有43%資產折讓,當重返0.95元計,折讓講緊仲有32%,可炒折讓。又呢期股東名冊上,德祥多咗德意志及PMACAPITAL兩家基金,揸住德祥5.2%及14.1%(部份應該係可換股票據權益),有名牌眷顧,期待德祥快高長大。再講,德祥應佔阿仔錦興及保華市值12億銀,德祥本身市值亦不過10億銀,保華、錦興又有基金湊住,阿仔市值壯大之時,阿媽德祥身家亦隨之暴漲。德祥上星期五大成交(15球)突破阻力,有買趁手。