Oscar落淚感激爸爸
蘋果日報 2019/06/16 02:20
落淚父親節蕭潤邦蕭爸爸
今日父親節，生煎包王子蕭潤邦（Oscar）和太太江若琳日前提早與蕭爸爸慶祝。一行三人穿上曼聯球衣表達對球隊的死忠，到旺角麥花臣球場睇波，餘興是到波鞋街，齊齊搜購波衫。之後他們回到生煎包店接受訪問，阿邦講到14、15歲起，兩父子就連繫了「足球情」，他說：「我由細到大都瞓廳，每次老竇要睇波都要出廳，咁我就一齊睇。你知一場波有中場休息，咁我哋會傾偈，乜嘢都傾好多嘢講，可以增進感情。」
父親節要開工，Oscar與江若琳陪爸爸提早到旺角揀禮物。
辭工幫手
蕭家兩父子的連繫，今日還伸延到新近在旺角開業的生煎包店，店名用回昔日父親經營印花廠的名字。Oscar笑言自小就到老爸印花廠做童工：「一放學就去打工，間印花廠養大我同細佬，所以𠵱家呢間生煎包用番呢個名，養番蕭家。」
原來蕭爸爸一直有參與生煎包店的營運，更可以說是包店的「品質管理員」，故事緣於10多年前第一間店開幕時的遭遇，Oscar說：「開店頭半年已經出現一件事。嗰時個廚房師傅，做咗冇耐就攞咗我哋個menu，去隔籬街開咗檔一模一樣。」蕭爸爸說：「阿邦畀電話我問點樣，梗係諗都唔使諗，辭咗份工，仲要賠咗一個月畀公司即時走，一直幫到𠵱家。」
Oscar聽爸爸提起這段往事，他說：「阿爸辭工幫我呢件事，真係最感動，兩父子都唔係靠父幹，爹哋返嚟係幫咗成個家庭，嗰時交電費錢都冇，基本每個家庭成員都周圍借過錢。我覺得唔抵，屋企人又冇不良嗜好，個屋企支撐唔到，好似堅信印花廠，係香港最興旺嘅時候好無奈結業。」此時Oscar聲音已帶哽咽且眼泛淚光，他補充說：「嗰時係冇得輸、唔輸得，輸就輸晒心機、時間同錢。每逢困難超人就會出現，流汗箒唔係喊，不嬲都感受到父母愛。」
採訪：何永寧
攝影：陳俊強
場地提供：堅信號上海生煎皇
原來蕭爸爸一直有參與生煎包店的營運，更可以說是包店的「品質管理員」，故事緣於10多年前第一間店開幕時的遭遇，Oscar說：「開店頭半年已經出現一件事。嗰時個廚房師傅，做咗冇耐就攞咗我哋個menu，去隔籬街開咗檔一模一樣。」蕭爸爸說：「阿邦畀電話我問點樣，梗係諗都唔使諗，辭咗份工，仲要賠咗一個月畀公司即時走，一直幫到𠵱家。」
Oscar聽爸爸提起這段往事，他說：「阿爸辭工幫我呢件事，真係最感動，兩父子都唔係靠父幹，爹哋返嚟係幫咗成個家庭，嗰時交電費錢都冇，基本每個家庭成員都周圍借過錢。我覺得唔抵，屋企人又冇不良嗜好，個屋企支撐唔到，好似堅信印花廠，係香港最興旺嘅時候好無奈結業。」此時Oscar聲音已帶哽咽且眼泛淚光，他補充說：「嗰時係冇得輸、唔輸得，輸就輸晒心機、時間同錢。每逢困難超人就會出現，流汗箒唔係喊，不嬲都感受到父母愛。」
採訪：何永寧
攝影：陳俊強
場地提供：堅信號上海生煎皇
講到爸爸（右）當年辭工救店時，Oscar忍不住落淚。