但凡跑大賽，馬迷勢必聚焦幾個大馬房，的而且確從往績反映出他們部署得周日（10日）上陣的馬均具一定能力，但因為賽績好賠率自然欠奉，而騎師肯定繼續雷神連場大熱，但最大問題係有部份馬純粹因佢而熱。

第二場「彪形猛漢」上次排6檔沿途貼欄一步不蝕下輸給「金太陽」，雖說兩駒相差13磅，但亦不排除係進度徘徊，今次肯定繼續熱，要考慮是否值博！

反而「精明才子」更有憧憬空間，計賽績上場初出僅輸短頭給當銳的「僥倖」，反映本身具能力，不揀前晚（6日）谷草選擇轉戰田草，相信羅富全有信心才會作如此部署。

第九場「藍海策略」上仗在港初出1200米正是「彪形猛漢」輸俾「金太陽」那場，最後200米柏寶半趷身姿態下跑第五，走光矣！

今次初用眼罩加程跑1400米，正正是來港前贏馬路程，係時候郁手。