當年今日
關於我們

【仲係了解緊喎】同陳展鵬拍拖撐枱腳 單文柔:0依家我哋認識緊

蘋果日報 2017/06/18 17:48

陳展鵬單文柔

單文柔今日喺黃埔出席「小建築師親子賽」,適逢今日喺父親節,佢表示送咗對運動鞋畀爸爸做禮物,兼且同屋企人食飯慶祝,有冇預緋聞男友陳展鵬?佢笑笑口咁話:「佢工作咁忙,我希望同屋企人簡簡單單食餐飯。」問佢哋見咗家長未?佢就話:「之前你哋都影咗我同Auntie食咗飯。」幾時同Uncle食飯慶祝父親節?佢話:「有機會先,我都好忙,如果係,我都會抽時間同屋企人食咗飯,相處得多啲先。」
對於早前被影到同陳展鵬喺尖沙咀拍拖撐枱腳,單文柔即刻話:「食飯啫,唔係拍拖。」唔係拍拖定係唔想公開?佢話:「都係朋友食下飯啫,我對感情生活好低調,我唔想工作同感情拉埋一齊,0依家我哋認識緊,都係出嚟食下飯。」大家有意思,但了解中?佢表示:「我冇咁講,不過大家都有嘢傾到,佢對時裝、設計都有興趣,大家交流吓。」佢主持兒童節目有冇問陳展鵬意見?佢話:「佢好似冇做過兒童節目,所以冇意見,但我會問佢做新人嘅經歷,同埋點樣克服困難,我覺得好難捉住小朋友嘅集中力,點氹得佢哋開心,我仲係摸索緊。」工作感情都摸索緊?佢笑住話:「我對感情隨緣,但係認真,想了解清楚先。」
empty
攝影:仇志德
empty
早前單文柔被影到同陳展鵬喺尖沙咀拍拖撐枱腳
empty
單文柔今日喺黃埔出席「小建築師親子賽」
empty
empty
佢就話同陳展鵬了解緊
empty