今個暑假…旺結婚…好似早前「雙陳」陳妍希、陳曉喺北京搞婚禮、台灣舉辦歸寧宴，今日有台灣周刊報道，「雙陳」更喺台灣築愛巢，位於南京東路上嘅新家「樸真久石讓」單位連車位，總值新台幣5600萬元，未知睇陳曉都會多啲留喺台灣陪有咗3個幾月嘅妍希!

至於，另一對準兩公婆林心如、霍建華決定7.31峇里結婚，婚宴及歸寧宴都較低調神秘，而且傳佢哋拒絕禮服及婚戒贊助，而且外傳霍建華其實早就豪掟過億新台幣買豪宅送畀有咗3個月嘅林心如做禮物，絕對係愛妻之人!