此外，好多人搵唔到工，湧返社區學院讀書，逼爆校園。美國人讀社區學院因為（一）易入，譬如加州一百○八間社區學院有法律規定，不能拒收加州中學畢業生；（二）學費便宜；（三）兩年畢業，夠快。因此咯喎，社區學院只能有幾個選擇：（一）設學生人數上限，（二）加學費，（三）索性取消一啲冷門課程慳資源，冇一樣對遲入學嘅學生有利。好難怪嘅，加州社區學院（一百○八個校園）今年學生人數增加百分之六點九，洛杉磯地區增加百分之八點六，全州社區學院總學生人數高達一百七十九萬人，所以加州社區學院總監ThomasNussbaum話以後只能（一）加學費，（二）少收學生。香港家長想送子女過去，要明白呢個趨勢。