【一步一驚心】梁靖琪着三吋高踭鞋赴宴 老公全程傍實做護法
蘋果日報 2019/09/18 15:38
鍾麗淇湊B心得施雋賢梁靖琪
梁靖琪（Toby）在今年6月與施雋賢（Jon）結婚，日前宣佈在社交平台上載BB外套與帽的照片兼用紙牌寫上「Baby Sze」，向大家宣佈喜訊！即將榮升媽咪的Toby未有停下來，仍然瞓身支持慈善活動，日前在老公Jon和好姊妹鍾麗淇（Margaret）的陪同下，首度現身在中環出席AIM為拯救一班柬埔寨雛妓而舉行的慈善活動，同場還有吳佩慈及蔣怡等人。
身穿紅色晚裝及穿上三吋高踭鞋赴宴的Toby，手腳纖瘦卻腹部微隆，她透露目前健康狀態十分好，故身體力行支持慈善，為BB進行胎教：「而家習慣每個星期會同老公去教會，每晚都會祈禱，希望BB聽多啲我哋講嘢，帶佢做多啲慈善工作。今年因為要留喺香港安胎去唔到柬埔寨再做探訪，不過已報咗名下年再去，唔知到時會唔會帶埋小朋友去做義工。」不過見到她穿上三吋高踭鞋，認真一步一驚心，於是問老公有否微言？Toby笑說：「我老公非常煩，由我開始話要着高踭鞋之後，佢就上網係咁睇孕婦幾時唔着得高踭鞋，係咁叫我買過對鞋，所以今晚我行去邊，佢應該會跟我去邊，哈哈！」
其實擔心的還有好姊妹Margaret，她笑說：「我客串一晚做Toby嘅助手，托一托佢隻手，等佢行得輕鬆啲。」Margaret表示已與Toby交流湊B心得：「我同佢講湊仔永遠都係一個謎，每個小朋友都唔同，不過Toby好多湊仔經驗，我兩個女係佢契女，湯盈盈嗰兩個都係佢契女，加上有咁多朋友係身邊照顧佢，應該冇問題啦！」
Margaret笑稱客串一晚做Toby的助手。
Toby計劃明年再到柬埔寨做探訪。
Toby即將榮升媽媽，所以特別關注小朋友的教育。
吳佩慈亦有出席活動。