韓劇《OH！必勝奉順英》39歲女星秋瓷炫同大陸演員老公于曉光去年1月秘婚，今個月1號秋瓷炫誕下囝囝後即出現癲癇症狀，被送到急症室救治，雖然曾一度留院ICU，但已於本月12號出院，現時入住豪華坐月調理中心照顧BB及休養。

而噚日某日本菜餐廳就喺Instagram公開秋瓷炫同于曉光嘅簽名，似乎秋瓷炫已經康復，而網民都紛紛表示放下心頭大石。

而秋瓷炫方面今日回應話秋瓷炫仍然喺坐月調理中心，現時健康情況已經允計外出，而因為喺調理中心出入比較方便，所以秋瓷炫會同于曉光外出用膳，現時亦休養中，等身體盡快康復。

更多韓流，喺晒《娛果》
http://fb.com/appledailyent