9歲「小巨肺」譚芷昀(Celine)今年6月參與美國才藝節目《全美一叮》（America's Got Talent），Celine成功躋身今日香港時間朝早8點嘅直播準決賽，不過美國最近飽受風災，颶風哈維（Harvey）為美國帶來罕見災害，而最強颶風艾瑪（Irma），令美國超過600萬人疏散，多人死傷，NBC突然插播籌款節目，AGT會延遲播放，於香港時間9時開始。

Celine今日喺facebook貼出單人相，指自己已準備好參加準決賽，佢都有睇fans同支持者嘅留言，真誠地感謝佢哋，完成準決賽，更會回覆fans，目前要專注於表演。日前佢都同妹妹Dion一齊唱番佢一鳴驚人嘅《My Heart Will Go On》，Celine清唱繼續嗌爆咪，用飲歌拉票，未知今晚表現如何。