【新增內容及圖片】
韓流天王Rain跟金泰希今年1月結婚，早前二人首次夫妻檔上場，為韓國雜誌拍攝新相，今日雜誌公開更多新相，當中包括二人頭貼頭嘅甜蜜合照，仲有兩人換上另一服裝，坐喺相化嘅親密合照，金泰希甜挨老公，勁Sweet。

提到兩人1月舉辦嘅樸素婚禮，兩人解釋：「我哋覺得結婚係兩個當事人一齊幸福就好，考慮到我哋嘅現狀同當前局勢，為咗盡量唔為身邊嘅人造成負擔，因此我哋考慮咗很多。」

Rain及金泰希亦公開維持感情嘅小秘訣：「即使冇特別傾啲咩，無聊嘅笑話都會令人好開心。需要一齊決定問題時，就算意見不一，都盡量對話，努力尊重對方嘅態度係非常重要。」

另外，Rain夫婦結婚後一直同Rain嘅家人住，之前有傳Rain打算買新屋，搬出去同老婆二人世界。而有韓媒今日爆料，指Rain去年10月喺首爾梨泰院購入市值50億韓圜以上(約3,462萬港元)嘅豪宅，似乎認證傳聞。據報道指新屋嘅地理位置極佳，除可飽覽首爾夜景，附近仲有中小學、圖書館等，又可以為小朋友提供極佳嘅學習環境。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。