繼昨日（6日）呂健威安排老柏檔柏寶為「幸運如意」親試一課後，今朝（7日）呂健威亦再次向「幸運如意」有特別舉動，睇嚟真係好想為呢匹馬擺脫二奶王嘅污名，從而喺周日（9日）第七場嘅短途錦標（二級賽1200米）獲得勝利。

佢今朝一早到場，就即到機坪檢視「幸運如意」狀態，之後就交俾柏寶騎去機坪踱步，再之後又去內圈慢跳。試完一大輪後，兩位騎練又再次傾過不停。當「幸運如意」回馬房時，柏寶更用依依不捨嘅眼神嚟望多兩眼，真係心中有馬到不得了。

相信只要柏寶臨場發揮有正常表現，點計「幸運如意」應該可以贏馬終結三連亞！