【英超戰報】愛華頓主場吞錫菲聯兩蛋 諾域治打回原形
蘋果日報 2019/09/22 02:30
紐卡素諾域治愛華頓錫菲聯白禮頓般尼
錫菲聯爆冷2:0力克愛華頓。
周六亦有另外三場英超，其中矢志衝擊前六位置的愛華頓主場迎戰錫菲聯，卻令人大跌眼鏡地以0:2落敗，今季已經兩次敗於升班馬手上。而上周爆大冷擊敗曼城的諾域治，今仗作客般尼早早落後兩球，最終以0:2落敗，今季作客四戰全敗。
今屆愛華頓雖然表現飄忽，但主場成績依然可靠，開季兩場主場均成功贏波。今仗「拖肥」亦可說是強陣出擊，19歲意大利前鋒摩斯堅恩擔正，李察利臣亦正選上陣。雖然形勢完全佔優，但被錫菲聯上半場尾段一次角球攻勢，比克福特出迎失誤，皮球撞中中堅耶利文拿改變方向入網，取得領先。而下半場愛華頓積極搶攻，可惜仍然無功而還，最終在79分鐘更被對手前鋒賴斯莫薩特再入一球，以0:2不敗對手，收穫兩連敗。
而「金絲雀」諾域治今仗作客般尼卻無法持續勇態，被對手前鋒基斯活特分別在10分鐘接應角球頂入，以及14分鐘接應杜韋麥尼爾左路傳中射入，最終同樣以0:2落敗，今季四場作客全敗。尾場紐卡素主場迎戰白禮頓，客軍表現相當積極，可惜上半場艾沙迪接應柏斯高哥斯傳中頂入，被判越位在先慘食詐糊。下半場更有小將艾朗干洛尼的挑射，被對手中堅法比安舒哈門前護空門成功，最終雙方只能以0:0打成平手。
基斯活特梅開二度領般尼擊敗諾域治。