今早Andy梁學儲過五關斬六將，班兄弟仲要外笠「肉感」芭蕾舞衣，先至有機會埋身，係埋到老婆仔Yumiko身——仲爭條樓梯。要上去接老婆，仲要過埋龍虎豹同仲姊妹嗰關，最重要最能顯示誠意，當然係宣讀愛的宣言啦。

接到新娘之後，一對新人向父母敬茶。化身大妗姐嘅阿Sa同阿嬌仲分別貼上大粒癦，好鬼銷魂。兩手戴滿龍鳳鈪嘅Yumiko，胸前掛住9隻金豬，長長久久好意頭，仲好好生養添!

今日英皇嘅「龍虎豹蛇」——即係祖兒、阿Sa、阿嬌同Yumiko齊集，祖兒同師兄劉浩龍今日亦同場分別任姊妹兄弟，另一pair黃伊汶同陳國坤都喺度。唔知兩pair邊個最快跑出呢？