港姐決賽順利完成，所有獎項亦塵埃落定，而未能入圍決賽嘅佳麗，噚晚都有入場睇呢決賽。好似大冷門吳瑋雯，就着晒大露背裝搶鏡，而大胸佳麗林思韻反而較為密實，成班落選佳麗同三甲攬攬恭賀，佢哋又同「友誼小姐」歐陽巧瑩玩自拍，心情勁high，而林思韻仲疑似眼濕濕，蔡思貝就攬實對方條腰，盡顯姊妹情。