【Auntie好後生】葉佩雯連續幾年為母慶祝生日 網民讚似兩姊妹
蘋果日報 2020/03/21 22:30
葉佩雯郭偉亮
熱愛滑雪的葉佩雯（Grace），幾乎年年冬天都會和老公郭偉亮（Eric Kwok）飛往北海道旅行。今個月初，雖然日本疫情仍嚴重，但依然無阻二人滑雪的熱情，不時在IG貼出在當地吃喝玩樂的照片。不過，由於當地疫情持續擴散，加上封關在即，他們已於個幾星期前便起程返港。匆匆回港的目的，除了要遷就Eric Kwok已排的工作外，原來Grace亦有另一重要任務在身。
今日Grace在IG貼出和媽咪慶祝的生日相，相中只見她和Eric Kwok及父母一起慶祝生日，同時她亦貼出近幾年和媽咪慶祝生日的照片。相中只見葉媽媽樣子十分年輕，保養得宜，難怪有網民留言問Grace伯母是否很後生便結婚生女，有人甚至話兩母女似兩姊妹。至於同樣有玩IG的葉母，就留言多謝女兒和女婿，在疫情中為她慶祝生日。
Grace日前為媽咪慶祝生日，葉爸爸都在場。（IG圖片）
一年前兩公婆都有為媽咪慶祝。（IG圖片）
3年前的今天。（IG圖片）
4年前Grace就和媽咪食生日飯兼食壽包。（IG圖片）