遠展(035)資產嘅隱藏價值逐步釋放,NAV折讓又極之吸引,有得諗。遠展旗下麗悅酒店(2266)呢期公佈,轉售中環麗柏酒店畀獨立第三方,售價5.15億銀,估計獲利3.7億銀,而遠展亦獲利2.7億銀。呢期麗悅亦話,唔排除繼續進行資產重組,將規模較細嘅酒店出售。要咁睇,阿仔資產項目,隱藏價值釋放,阿媽麗展一樣肥仔水。再講,麗展本身亦都計劃未來18個月,推售香港三個項目,估計銷售額25億銀。麗展現價(1.56元)跌到落年半低位,市值29億銀咁大把,淨計呢三個項目,潛在變現亦唔嘢少。又麗展NAV6蚊,現價折讓高達74%,直情流晒口水。買遠展,博折讓輕輕收窄到60%,都講緊現價要翻半番,上到2.4元。