為「肌肉萎縮性側面硬化病」（ALS）患者籌款的「冰桶大挑戰」繼續熱爆，好多美國名人今日繼續響應，而且出盡心思。

最有台型
美國歌手KatyPerry趁巡唱空檔同友人去咗水上樂園玩，順便「找數」。着黑色比堅尼嘅佢擺定甫士，任兩友人淋冰水，仍面不改容，佢之後點名挑戰麥當娜（Madonna）。

最無辜
英國女星艾美莉賓特（EmilyBlunt）嘅「挑戰」比較特別，事關佢買完餸番屋企嗰陣，竟被老公JohnKrasinski突襲兜頭淋冰水，當時佢仲拎住兩袋嘢，搞到佢佢嬲到啤實老公。

最貼心
大肚嘅《阿凡達》女星素兒莎丹娜（ZoeSaldana）都被人挑機，不過大肚婆都係要安全啲好，所以佢老公MarcoPerego就代妻上陣，淋完仲即刻跳入泳池。

最有創意
最有創意都係美國樂隊FooFighters，主音DaveGrohl反串扮成經典驚悚電影《凶靈》（Carrie）女主角，喺舞會中被淋冰水後發惡。佢之後仲點名挑戰《凶靈》原著小說作家史提芬京（StephenKing）。