廉署高官揸波音機 - 李八方

蘋果日報 2002/07/12 00:00


六月份嘅國泰城,特別多負責保安、肅貪工作嘅港府高官出現。大家唔好誤會,國泰城唔係有乜問題,高官現身國泰城,都係嚟參觀,其中梗唔少得去模擬駕駛艙,一嘗做機師滋味。保安局局長葉劉淑儀、前任廉政專員黎年,同埋廉署執行處處長李俊生揀咗揸波音機,試吓操縱飛機起飛、着陸。八方明白,呢班高官成日坐喺辦公室,平時又好少打機,好難一時間控制到模擬駕駛艙內咁多粒掣;不過,呢張回眸嘅相,係咪有啲耳目一新嘅感覺?而葉太坐喺駕駛艙內,唔知會唔會職業病發作,諗起九一一事件後飛機駕駛艙嘅保安問題?
提起國泰,前大班薩秉達三月喺羅馬辭世,追思彌撒今日下午四時在堅道天主教總堂舉行,薩大班在港生活一段好長時間,佢嘅好友一定會去致祭。
(圖)黎年(右)與李俊生坐喺模擬駕駛艙一嘗做機師滋味。 《國泰天地》提供圖片


傳真︰2623-9278
電郵︰[email protected]