當年今日

  陳祖澤逆市加薪 - 李八方

蘋果日報 2002/04/05 08:00


以家陣嘅經濟市道,打工仔要保住飯碗都好難,更遑論要加人工。不過,舊年都有逆市奇葩,佢就係九巴董事長陳祖澤。
八方啱啱收到九巴最新年報,最高人工嘅董事去年收二千三百幾萬,比前年嘅一千二百幾萬足足多成接近九成。不過,八方覺得九巴班股東應該唔會覺得貴,事關九巴去年業績甚好,賺多咗八成七,股息亦派多一成八。最緊要係九巴股價由去年一月最低時嘅十八元一角五仙,升到上個月廿七號嘅三十七個八,升幅足足有一倍多。
九巴班股東今次財息兼收,畀多啲人工JohnChan,等佢幫自己搵多啲又點話。阿John今次喺九巴水漲船高,要佢返政府做部長睇嚟都幾難!
(圖)九巴去年業績甚好,陳祖澤功不可沒。


E-mail:[email protected]