【全城禁聚】停業近兩月 遊戲機中心溜冰場重開
限聚令遊戲機中心武漢肺炎
【17:20】溜冰場今日亦可以重開,但只容許小組或私人教導。今早,太古城溜冰場仍未重開,繼續落閘,而冰場亦由帆布覆蓋。至於九龍灣MegaBox的冰場則重新營業,有私人教練在場教導學員上課。
獲悉冰場重開消息的黃太,第一時間帶女兒到MegaBox上溜冰堂,她自言一直留意政府相關放寛措施的消息,同時與教練保持聯絡,得知冰場解封,即刻預約於今日上堂。黃太表示,「(女兒)平時都話唔肯戴口罩出街,一話有得溜冰,即刻肯戴」。黃小妹妹亦謂,「開心,今日溜咗兩個鐘,唔多人」。
-----------------------------
武漢肺炎第三波疫情逐步緩和,被勒令停業近兩個月的遊戲機中心今日終於重開。記者今早到沙田娛樂城一間大型遊戲機中心視察,早上10時左右,已經有近20人到來一解「機癮」。
現場所見,所有人士進入時都要量體溫,逗留期間亦全程要戴口罩,遊戲機之間未必相隔1.5米,但有白色膠板間開。
在場清潔的女工說:「疫情可以控制到,我哋有工開,大家可以返嚟見吓面,健健康康咪好囉!」
遊戲機中心內其中一部音樂遊戲,玩家都戴上自備手套,不過有玩家指這只是遊戲所須。機迷鄭先生說:「玩呢部機如果唔戴手套會好痛,不過如果疫情方面嚟講,可以做自我防衞,安心啲。(重開遊戲機中心)開心呀,之前曾經重開,但始終因為疫情,都少咗嚟,打一陣就走。」
另外,在荃灣城市中心的金禾遊戲機中心(X-Land),屬區內數一數二的大型機舖,店內約有80台各類型遊戲機,今早重新開業不久,20多名市民即入內打機。現場所見,每名進入店內的市民均須戴上口罩,亦要先由職員量度體溫,店內的遊戲機,每台之間都放置一塊板分隔。由於入場人數只佔機舖可用面積的四分一,環境寬敞,空氣流通。
機舖店長黃小姐稱,今日重開的入場人數較預期少,比起疫情前則更少,除量體溫等措施外,亦會定時以漂白水消毒,而在停業的一個半月左右,老闆並無裁減人手,店員亦不用減薪。黃小姐希望政府給予多一點資助給遊戲機業界,又認為「我哋呢行防疫做得唔差,唔需要停業」。
政府宣佈今日起有條件重開麻雀天九耍樂處所、表演場所、遊戲機中心等場所;食肆放寬每枱可坐四人。另外,下周二起全面恢復正常公共服務。
遊戲機中心貼出告示,提醒顧客要戴上口罩等措施防疫。
荃灣城市中心的金禾遊戲機中心店長黃小姐認為「我哋呢行防疫做得唔差,唔需要停業」。
今早,太古城溜冰場仍未重開,繼續落閘,而冰場亦由帆布覆蓋。
今早,太古城溜冰場仍未重開,繼續落閘,而冰場亦由帆布覆蓋。
九龍灣MegaBox的冰場則重新營業,有私人教練在場教導學員上課。
九龍灣MegaBox的冰場則重新營業,有私人教練在場教導學員上課。
獲悉冰場重開消息的黃太,第一時間帶女兒到MegaBox上溜冰堂。
-----------------------------
-----------------------------
-----------------------------