【瀨屎都開心】周柏豪捧兩獎 全靠囡囡腳頭好
蘋果日報 2019/12/28 18:35
周柏豪
（左圖攝影：仇志德）
周柏豪今日到新城出席《新城勁爆頒獎禮2019》，由於因感冒致聲沙，故柏豪只是攞獎沒唱歌。雖然患病，但他指醫生謂不會傳染給BB，故不用與愛女隔離。
柏豪在今次頒禮中，得到歌曲及男歌手兩個獎項，他直言歌曲因為在年尾才推出，故覺得驚喜：「因為套劇同角色大家都鍾意，都幾好反應，聽公司講劇集跨平台收視，最高峰曾經有4至50萬人同時收睇，好開心。而首歌喺好多音樂平台攞No.1，覺得係突如其來嘅禮物，有歌迷留言同我講覺得呢首歌成為咗我嘅代表作，自己都覺得係，因為大家都記得首歌、角色同劇集，有咁嘅成績勝過獎項。」
雖然沒有正式舉行的頒獎禮，但柏豪表示不同時代可以有不同做法，他直言像今次的直播形式也不錯，歌手不用緊張之餘，直播前還可以一起傾偈，氣氛亦變得比真正頒獎禮輕鬆。而他又直言歌手間沒存在競爭心態，就如陳柏宇所講，每年也只是希望自己能進步。
周柏豪今年喜獲一女之餘，新劇中的角色亦討好，問他今年算不算是大滿貫？他說：「係，簡直係一個超級大滿貫，個女出世後自己每日都會有人生目標、同埋會好開心，每日收工都會趕返屋企見個女，就算佢喊、瀨尿、瀨屎都會開心，同埋佢最近喺凌晨2點至5點嘅時間最活躍，所以都同太太諗過使唔使調轉啲生活時間，不過屋企人就話細路如果滿月後就會有變化，佢都就快滿月，睇佢之後有乜改變先。」
採訪：王連連
攝影：仇志德
攝影：仇志德
周柏豪今日得到歌曲及男歌手兩個獎。