【維基解密之嚇到你儍】港視繼推出《大眾情性》後，前晚再度挑戰香港電視尺度，播出以恐怖、驚慄為題的劇集《驚異世紀》。劇中八個單元故事，當中包括靈異、血腥、暴力等元素，前晚播出第一個單元《寄生獸》已有人食人、斷頭、腸穿肚爛等驚嚇場面，不少觀眾又驚又想睇，在網上惹來極大迴響。
有人批評第一集抄襲日本漫畫《寄生獸》，有網民讚特技逼真，但亦有部份網民指寄生蟲特效粗糙。網友Jenny Ku Wa說：「睇片頭已經毛管戙了！」梁小冰在第一集已突破演技，她變成寄生獸後滿口鮮血，她昨在電話中透露曾想拒演：「我半夜睇天書時已經驚到唔敢瞓，原本想推，但經理人話嘉華哥（林嘉華）會照顧我，我又想搵啲突破，顛覆以往形象都幾好玩。」可覺抄日本漫畫？她說：「咁我又唔知，我哋部劇三年前已經拍咗。」

𠝹爛肚見內臟

腸穿肚爛的菁瑋亦覺得畫面去得太盡，她說：「去到已叫我着住件𠝹爛肚嘅衫，仲塞咗好多疑似豬內臟喺我身，雖然好臭，但出嚟效果好逼真。」另外，又有長滿一頭寄生蟲的李雨陽吸食梁小冰，之後唐寧用火燒對方的頭，驚嚇程度爆燈。
之後的劇情將越睇越心寒，尤其下周一播出的第4集《見鬼》劇情最為驚嚇，飾演女鬼的王歌慧的頭在洗衣機內，突然伸手捉住周俊偉，歌慧昨在電話中說：「睇番都有啲詭異，拍時都問導演尺度係咪太激，𠵱家網上播肯定可以原汁原味。」而第5集《小鬼流浪記》除有林嘉華化老妝之外，還有小朋友鬼魂爛面及眼角、嘴邊淌鮮血的恐怖樣。
採訪：嵐山