【拆局】
有熟悉監警會運作的消息人士指出,專家小組完成其首階段報告建議後才決定請辭,「原因好明顯,佢哋發覺監警會將會出嘅中期報告內容同佢哋嘅報告有好大出入,監警會只抽取對監警會同政府啱聽啱用嘅部份放入中期報告內,班外國專家發覺唔對路,梗係跳船啦!」
據消息人士了解,國際專家小組原認為調查範圍應包括警方的部署和制度缺失,「點解警方會有咁嘅部署、邊個落命令、邊個容許前線警員隱藏身份等」,但消息人士指,按照監警會以往做法,反修例衝突中期報告只會列出調查範圍涉及的事件資料,包括事發經過、警方使用過多少彈藥、多少人受傷、警方接獲過多少宗投訴及相關投訴分類等,「唔會有大家期望嘅調查結果,更唔會有專家要求查找警方責任」。