【我的置業故事】4年前落錯車 「幸運男」七折重新上車「 我用晒啲luck」
蘋果日報 2020/06/18 00:00
翠嶺峰蘋果驗樓我的置業故事
自住樓勿亂賣。何生4年前驚樓價跌，又嫌單位離公司遠，以約400萬元沽出首個物業大埔中心，由業主變租客，以為等待心儀港島藍籌屋苑回落後重新上車，卻沒料到樓價節節上升，上唔返車，原本單位亦賺少100萬元，他無奈說：「過去咗啦，唔係你嘅就唔係你㗎啦！」人生點會估得到，2017年年底用親人綠表資格一抽即中市價七折的房協將軍澳翠嶺峰。今天他滿足地說：「我應該用晒我啲luck。」但世界又豈有那麼多個失而復得的故事。
70後何生與親人居住大埔公屋，早年除戶籍，然後2013年他自己以約290萬元買入大埔中心一個兩房單位，居住兩年多，以約400萬元沽出，賺約110萬元。從事IT的他說工時長，公司位於港島區，由大埔返工不方便，想換市區樓，心儀的港島區大型屋苑，包括太古城、康怡花園等等。賣樓後，以1.5萬元在北角租樓住，方便返工。他補充：「當時諗住樓價會跌㗎嘛，點知……」點知樓價節節上升，心儀的港島樓都越來越貴。他當初買入的大埔中心單位，根據銀行最新估價已升到近500萬元，賺少約100萬元。他無奈說：「都過去咗啦，唔係你嘅就唔係你㗎啦！呢個世界有得必有失，𦧲地都無意思。」
2017年房協推出兩個資助房屋屯門翠鳴臺及將軍澳翠嶺峰，合共提供620個單位，最終收到93,619份申請，超額認購150倍。何生以親人綠表資格參與其中，結果一抽即中，「我覺得用晒我啲luck囉！真係好彩，身邊好多朋友都諗住買樓，呢個價錢，見到呢個面積，同埋呢個位置，都近地鐵站，超值！」他憶述當時揀樓，3房單位被搶得快，中層以上單位已被一掃而空。最後他斥資570萬元買入一個實用684方呎的中低層3房單位，一成首期約57萬元，月供約2.3萬元，首期及供款由他一力承擔，將會與家人一起居住。
沒有很多人落錯車後可以上返車。何生多次安慰地說好彩，但他覺得：「買樓未必係必需。咁當然啦，中國人社會或者香港人都好想會有個安居樂業嘅地方。如果唔係咁afford到，唔係一定要買樓，例如廿歲出頭啱啱出嚟做嘢，買樓唔係必需，停一停、諗一諗可能會好啲。你唔知個時勢，可能遲啲會冧得好勁，亦可能橫行，大家都唔知，但諗一諗係咪必需要買樓囉！其實美國人、德國人、日本人都好，係香港人好睇重一定要買到樓。其實好多人覺得，租係無問題，有人周圍住、周圍工作，為工作咪搬囉。總之，唔好有咁大嘅負擔，令到自己咁辛苦。當然經濟能力許可，咪買樓囉。」
記者：陳家雄、張嘉鎣
影片：
採訪：陳家雄、張嘉鎣
編撰、旁白：張嘉鎣
攝影：城
剪接、後期：FU
採訪：陳家雄、張嘉鎣
編撰、旁白：張嘉鎣
攝影：城
剪接、後期：FU
-----------------------------
-----------------------------
70後何生4年前驚樓價跌，沽出自住樓變租客。
何生：「我覺得用晒我啲luck囉！真係好彩，呢個價錢，見到呢個面積，同埋呢個位置，都近地鐵站，超值！」
何生斥資570萬元買入房協將軍澳翠嶺峰一個實用684方呎的中低層3房單位。