梁詠琪今日在商台宣傳新歌《平安夜》，她指這首歌不是一首以聖誕主題的歌曲，「每一日都可以係平安夜，同家人一齊就係好平安嘅晚上。」現時社會氣氛更要聽這首歌？她說：「每個人都會遇到工作壓力、學業壓力，媽咪要帶小朋友去考學校，唔小心就會將壓力帶咗返屋企，但其實屋企係一個最放鬆嘅地方，所以我返到屋企，就將壓力好似喺門口除鞋咁除低佢，因為小朋友好直接咁接收你嘅情緒。」

她表示在家中不會胡亂發脾氣， 但她笑說：「阿女會發脾氣，有時搵唔到拖鞋就發，我教佢要忍住，停一停諗一諗，有時我同老公喺一個問題上講到面紅耳熱，最後都係爆笑收場，我哋屋企係笑聲滿載溫馨。」

聖誕節將至，梁詠琪表示經濟不好，決定留港消費，到主題公園住酒店當出埠。提到老公的童裝店生意，梁詠琪坦言：「冇影響係冇可能，同員工有共識，大家一齊共渡時艱，做生意係一個好長遠嘅事業，暫時性嘅低潮，要捱要守。」

對於她經常在社交平台貼出女兒相片，有網民大讚女兒越大越靚，梁詠琪笑說：「越嚟越靚就見仁見智，但係我覺得大得好快，冇對比都唔覺，而家4歲已經122cm高。」有沒有興趣再生？她笑謂：「呢個同興趣無關，睇緣份啦，不過我哋都歡迎。」

採訪、攝影：黃曉妍

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇