陳翻閱被泰警搜獲、經開光的嬰屍相片,指出其中一具屍身完整的鬼仔,如果流入市場有價有市。「好多鬼仔係甩手甩腳,屍身完整嘅可遇不可求,幾年前我喺泰北見過一具,當時賣30萬港元,家起碼漲價到50萬。」
她強調,嬰屍是否完整,與它變成鬼仔後法力是否厲害並無關係,價格高昂只是由於「好睇啲」。她指生前怨氣重或死於非命的鬼仔,就算只得數片駭骨,亦能極具威力。
陳堅稱養鬼仔並不邪門,相反是一項功德,替無主嬰靈找個歸宿。「養鬼仔毋須刻意要求回報,當主人遇到危難,鬼仔會挺身擋煞;遇上生意機遇,佢會幫你旺上加旺。只要主人唔違反一啲禁忌,例如遺棄佢哋,或者墮胎等就唔會有問題。」
《蘋果》記者