練馬師苗禮德近排認真醒神，唔單止連贏五個賽日，收納六場頭馬落袋，期間仲憑「星洲司令」奪得四歲馬系列次關香港經典盃。即使周三晚（28日）八場全跑泥唔玩草，相信一樣冇礙呢位南非練馬師繼續贏嘅決心。

苗禮德提到，第八場三班1200米泥地嘅「龍城猛將」，雖然自從今季首戰贏馬後，再出三場都唔能夠重敲勝門，但全部均跑入位置有獎金收，而且馬兒本身演出非常準繩。即使今場對手有四戰三勝嘅「上簽」係度，但佢相信拍住梁家俊，仍可望爭入前列。