性格火爆嘅吳鎮宇，性格真係變幻難測。回巢無綫拍《衝上雲霄2》，將自己個微博改名叫「唐亦琛」，夠晒投入，點知投入得滯，越拍越躁，早前發生當街罵人事件，又同陳法拉傳不和。日前鎮宇喺微博上載了一張同陳法拉合照，背景有條彩虹，暗示結局會同法拉一齊，引起胡杏兒嘅粉絲不滿，覺得劇中吳鎮宇背叛咗第一集嘅杏兒，唔少粉絲留言狂轟。

鎮宇疑不滿杏兒粉絲在其微博撒賴，竟然發火玩威脅：「別惹我生氣！我已不是唐亦琛，請不要在我地盤維護你們的偶像，我會把一些臭事抖出來，然後消失！那你們的無影腳就不管用了！要玩嗎？」

點知喺同一日，過咗幾粒鐘之後，鎮宇再喺微博貼寫住﹕「由彩虹結束，再由彩虹開始！跟著會是沖2的幕後花桇。豬頭們又見面了！但對你們真的不知說什麼！看別人家家戶戶都有黑粉，打手，就是我家沒有！是因為你們太豬頭，或是我管教得太好！首先對德粉，榮粉再次抱歉，但對於唔知是乜粉的粉真的要出招，故意說一句胡小姐你們就退了，在此對杏兒抱歉，借你過橋。」