將帶住新韓劇《OhMyVenus》回歸嘅型男蘇志燮出晒名都同男星宋承憲friend過打band，而蘇志燮噚日演出節目《演藝家中介》就公開叫老友快啲結婚。

節目上，蘇志燮被問到覺得自己同老友宋承憲邊個會結婚先？蘇志燮就即刻話：「我覺得有女朋友嘅人應該會結婚先，要令佢結婚先，快啲結婚！」

至於講到新劇，蘇志燮就話自己現時為劇集已經有個半月冇食碳水化合物而減咗近15磅，問到係咪為咗操fit啲喺新劇騷肌時，蘇志燮就講笑咁話：「我O依家仲未有肌喎。」蘇志燮仲大讚新劇拍檔申敏兒係佢合作過咁多個女演員之中最靚嗰個，原因係：「為咗現在嘅生活，我要覺得佢靚。」