當年今日

  梁振英挺董打橫嚟講 - 李八方

蘋果日報 2002/01/25 00:00


董建華競選連任點解冇政綱?民主派嘅選委釘住呢個問題唔放,老董唔識講大話,照直話「冇!亦唔需要」,但佢嘅競選辦就兜嚟兜去想同佢補鑊。日前鄭維健話參選宣言就係政綱,重叫人買報紙睇,結果俾人噴到一面屁;而競選辦主席梁振英更發明另一個新說法,話「一個字」都算係政綱!
話說前日余大狀質問老董時,梁主席又喺旁邊幫拖,佢話其實係大家理解唔同啫,政綱呢樣嘢可長可短,「一個字都可以係政綱啦,你冇聽過『以糧為綱』咩?」,激到余大狀唔識回應。有人聽完之後,都質疑咁樣狡辯都得?咁老董不如就用「懵」一個字做政綱算啦!


E-mail:[email protected]