舞台劇導演張之珏於下午近六時半抵達香港殯儀館，向張綠萍表達最後敬意。他透露早於大約半年前已經得知張綠萍身體抱恙，不過知道張綠萍素來著重打扮，抱恙時未必想接受探訪，故而托朋友送上問候，遺憾的是再相見時已經要於靈堂之上。

張之珏接受傳媒訪問時道出與張綠萍相識的故事：「佢係傑青嘅大家姐，我就係傑青，大家相交咗廿幾年，每一次見面佢都會話多謝我，因為Leslie出道嗰陣時話過好想演戲，我當時幫佢度身訂做咗一套愛情片，仲搵咗毛毛（毛舜筠）襯佢，當時都幾登對。

「後來有段時間Leslie同爸爸有少少唔開心，話想避下，我屋企有兩間房，佢咪嚟暫住咗排，Leslie仲問我『如果毛毛上嚟同我傾偈得唔得？』我以為孤男寡女實有啲嘢啦，點知佢哋兩個好乖喺到玩煮飯仔，其實Leslie都好念舊，知我鍾意就送咗張唱片同埋啲名牌床上用品俾我，我自己都唔捨得用，不過如果有Leslie嘅Fans想用作慈善我都可以拎出嚟。」