隔牆有耳:「家樂福」避鋒頭 - 李八方

蘋果日報 2008/04/20 00:00


內地憤青愛國激情燒到㷫烚烚,LV、家樂福呢啲法資名牌首當其衝,香港LV暫時冇事,繼續其門如市係自由行朝拜聖地,不過香港「家、樂、福」卻唔係咁好彩。
此「家、樂、福」同彼「家樂福」有好大分別,後者係超市而且撤出香港多年,前者則係由天主教柴灣海星堂舉辦嘅活動。八方噚日下晝收到海星堂通知,指原定今日喺小西灣邨舉行嘅「家、樂、福」嘉年華要取消,唔通佢哋收到風,怕「家、樂、福」三個字刺激憤青而讓路?佢哋表示取消活動唔係怕憤青有殺錯冇放過,盲目嚟衝擊,而係因為天氣問題啫,至於幾時再舉行,容後公佈。