嚴淑明（Mandy）投資近百萬喺旺角開設「家.診所」醫務中心，今日舉行開幕禮，邀請咗好友林利、戴辛尉同黃泆潼任嘉賓。

老闆娘Mandy就話之前投資沐浴露成績唔理想，今次轉戰開診所，佢話：「除咗希望賺錢，都想幫人，診所開後會幫惜食堂，幫助低收入人士或獨居老人等義診，目前想幫100個有需要嘅人做長期義診。」問到之前嘅生竟蝕咗幾多錢？Mandy就話O依家喺大陸仲有得賣，笑言自己屢敗屢戰，仲爆係陳敏之不段鼓勵佢做生意，係佢嘅軍師，Mandy話明年會接部西片，佢話：「o依家拍戲只係享受過程，唔使拍戲就會做義工老師，教吓小朋友，好開心。」

另外，抗癌成功嘅林利努力拍劇，仲冇乜點錫身，繼續拍動作戲份搞到周身傷，佢話：「身體係比之前弱，但都要保持運動keep住身體。因為嚟緊會好忙，一日要換好多次隱形眼鏡，自己有近視散光，1個月前決定做微創，o依家好似有對新眼睛咁。」

精選娛聞，喺晒《娛果》
http://fb.com/appledailyent